Kultur Agenda

Mutriku eta Lea Artibai   Deba

 

embed_badge

 

 

 

Europako Gizarte Funtsa

 

Dokumentua irekitzeko jarraibideak:

Deskargatu -> Eskuineko click -> Ireki honekin -> Adobe Acrobat Reader

 

 

 

 

 

Lanbide Heziketa: ate irekiak

 

Odei Barrosorekin RAP Tailerrak 4.DBHn

Urtarrila eta otsaila bitartean RAP tailerrak egin dituzte DBH4ko ikasleek Odei Barrosorekin. Rap, trap, funk oinarrien gainean kopla desberdinak sortu dituzte gai desberdinen inguruan. Ta esperientzia borobiltzeko abestiak grabatu dituzte. Ea hurrengo euskal hit-a hemendik etorri behar den...


Irakasleak erasmusen

Erasmus+ programaren barruan ikastetxeko irakasle bat Errumaniara joan da astebeterako beste herrialdetako ikastetxeak ezagutu eta prestakuntza jasotzera.

Argazkiak ikusteko klikatu hemen.


2.DBHkoak Seguran izan ziren

Abenduaren 5ean DBH2ko ikasleak Seguran izan ziren. Bertan dagoen Erdi Aroko Interpretazio Zentroa bisitatu ondoren, hirigune historikoan zehar ginkana bat egin zuten Erdi Aroko Euskal Herria hurbilagotik ezagutzeko.

Argazkiak ikusteko klikatu hemen.


3.DBHkoek Ondarroako portua bisitatu dute

DBH 3 mailako ikasleak Geografia eta Historia ikasgaian sektore ekonomikoak lantzen ari direla aprobetxatuz, Ondarroan izan ziren pasa den astean. Lehenik Ondarroako historia hurbilagotik ezagutzeko aukera izan zuten turismo bulegoko langileen eskutik; ondoren, portuko eguneroko lana azaldu zieten "Kresaltartin turismo neskatillak" elkarteko kideek.

Argazki gehiago ikusteko hemen.

 


Konpostaje tailerra

Abenduaren 15ean, Artelatzen eskutik Konpostaje tailerra izan genuen DBH 3.maialko ikasleok. Konpostaren erabilera eta nola sortzen den ikasteaz gain, konpostan aurkitu daitezken bizidunak aztertu genituen. Konpostatik, bizidunak hartu, marraztu eta sailkatu genituen gako dikotomikoak erabiliz. Bukatzeko, mikroskopio digitalari esker, bizidun hauek  ikusteko aukera paregabea izan genuen. Kukurutxak, ehun zangoak, mila zangoak, etab. ikusi genituen, konpostak dakarren aberastasuna aitortzeko aukera ederra!!

Surfrider proiektua

Lehengo ikasturtean, DBH 3ko ikasleek Surfrider izeneko proiektuan parte hartu genuen, gure kostaldean aurkitutako plastikoak eta zaborrak bilduz; zehazki, Mutrikuko Burumendi hondartzan egindako itsas-zaborren bilketan parte hartu genuen. Abenduaren12an, Boluntariotzaren Nazioarteko Egunaren (abenduak 5) harira, Gipuzkoako Foru Aldundiko Ingurumeneko Departamentuak eta Surfrider Foundation Europek, ekitaldi bat antolatu zuten Donostiako Aquariumean eta gu bertara joan ginen.  Bertan, bildutako hondakinei buruzko datuen berri izan genuen eta opariak jaso genituen. Ia honelako proiektuak bultzatuz, denon artean gure kostaldeak garbi mantentzen ditugun!!
 

Postal eta idazki lehiaketa

Urtero bezala, aurten ere postal eta idazki lehiaketa antolatu da ikastetxean plastika eta euskarako mintegien laguntzarekin.
 
Hauek izan dira aurtengo irabazleak:
 
Postal lehiaketa
 
1. Saria: Ziortza Antxustegi (DBH2)
2. Saria: Victor Maldonado (DBH2)
 
Idazki lehiaketa
 
1. Sara Stitou eta Izel Izurrategi (DBH2)
2. Nahikari Alvarez (DBH3)
 
Saria kulturarekin lotutako edo ikasmaterialerako 30€ eta 20€- bonoak dira.
 
Zorionak guztioi, lan bikainak! 
 

Nagore Laffageren ama institutuan.

Hesigabezi ikasgaiko ikasleek, "Nagore" dokumentala ikusi ondoren, Nagore Laffage gaztearen ama den Asun Casasolaren bisita jaso dute Institutuan.  
 
Nagore Laffage 2008ko uztailaren 7an erahil zuen, modu bortitzean,  Diego Yllanesek. Helena Taberna zinemagile nafarrak  Nagore dokumentalean jaso zuen kasuaren prozesu judiziala; bertan  prozesu horretan inplikatutako hainbat kideren ikuspegiak jaso zituen: fiskala, abokatuak eta genero indarkeriaren kontrako kolektiboetako ordezkariak, besteak beste. 
 
 

3.DBHko ikasleak Flamenko saioetan

Pasadan astean DBH-ko 3.mailako ikasleek Flamenko dantza estiloa ezagutzeko aukera izan zuten Gorputz Hezkuntzako saioetan. Flamenko irakaslea "La Pulga" Askoa Etxebarrieta, flamenko dantzari profesionala izan zen. Gorputz Adierazpena landu eta lotsak alde batera uzteko aukera bikaina izan zuten ikasleek.
 

1.DBHkoak Donostian antzezlana ikusten egon dira

1.DBHko ikasleak Donostiara joan dira gaur(osteguna) antzezlan bat ikustera. Harkaitz Canoren “Mundua pitzatuta dago” antzezlana ikusteko aukera izan dute, KMKko Santa Teresa Klaustroan. Fernando Bernués zuzendariaren antzezlanak liburutegiei eta literaturari omenaldia egin nahi die, gazteak literaturaren mundura erakartzeko asmoz.


— 10 Elementos por página.
Mostrando el intervalo 1 - 10 de 19 resultados.
inika logo
moodle logo
carta